ab ankhon men khuun dam-ba-dam dekhte hain
na puchho jo kuchh rang ham dekhte hain
jo be-akhtyari yahi hai to qasid
hamin aa ke us ke qadam dekhte hain
gahe daagh rahta hai dil ga jigar khuun
un ankhon se kya kya sitam dekhte hain
agar jaan ankhon men us bin hai to ham
abhi aur bhi koi dam dekhte hain
likhen haal kya us ko hairat se ham to
gahe kaghaz o gah qalam dekhte hain
vafa-peshgi qais tak thi bhi kuchh kuchh
ab us taur ke log kam dekhte hain
kahan tak bhala roo.ge ‘mir’-sahib
ab ankhon ke gird ik varam dekhte hain
Leave a Reply