avara bu-e-gul ki tarah hain chaman se duur
laghzida-pa nahin hain magar ham vatan se duur
tarik raston men bichhate hain raushni
aise bhi kuchh charagh jale anjuman se duur
jis ne nasim-e-sub.h ko baḳhshi hai tazgi
ḳhushbu vo kis qadar hai pareshan chaman se duur
vo log jin ka ḳhuun hai rang-e-bahar men
rakkha gaya hai un ko hi sehn-e-chaman se duur
sang-e-asas hone ke ehsas ne hamen
ab tak rakha hai lazzat-e-tash.hir-e-fan se duur
ab us ko kya kahen vahi fankar-e-vaqt hai
jo shaḳhs asr-e-nau men hai meyar-e-fan se duur
Leave a Reply