Aata Hai Nazar Aur Hi Manzar Hai Koi Aur

aatā hai nazar aur hī manzar hai koī aur

kyā mahv-e-tamāshā mire andar hai koī aur

tabdīl huī kaise har ik ghar kī virāsat

dar par hai koī naam pas-e-dar hai koī aur

nazzāra kahāñ aisā kisī dasht meñ dekhā

paañv to kisī ke haiñ magar sar hai koī aur

uljhī hai magar tishna-labī tishna-labī se

ye baat alag hai ki samundar hai koī aur

Leave a Comment