aata hai koi haath agar haat safar men
kuchh aur bhaḌak jaate hain jazbat safar men
lahrata hai ankhon men kisi yaad ka manzar
be-vaj.h bhi ho jaati hai barsat safar men
be-jism chala aata huun galiyon men nagar ki
kaT jaati hai mujh se hi miri zaat safar men
mujh ko hi uḌani hai yahan ḳhaak bhi apni
vaise to hai ik bhiiḌ mire saath safar men
be-dard hava.en to badan chaaT rahi hain
mausam bhi karega jo koi ghaat safar men
Leave a Reply