Syed Mohammad Askari Arif
asman ko zamin banate hain
ham guman ko yaqin banate hain
ho jahan sakinan-e-shahr-e-vafa
ashiyan ham vahin banate hain
mahv-e-ghaflat hain ahl-e-duniya sab
aḳhirat ahl-e-din banate hain
vo to ahl-e-nazar bila-shak hai
ham jise ham-nashin banate hain
ham nagin-saz to nahin lekin
kankaron ko nagin banate hain
aql-o-ilm-o-hunar ke sanche men
zindagi ḳhud hamin banate hain
qatilon aur be-imanon ko
apna hakim nahin banate
bughz-o-kina hasad ghurur-o-nifaq
aadmi ko la.iin banate hain
faslon aur sarhadon ki sada
dil ke rishte qarin banate hain
tum to ‘arif’ baḌe hi ahmaq ho
ret ke ghar kahin banate hain
Leave a Reply