Ameeta Parsuram Meeta
ashna dil ko jalane aa.e
tere qissa hi sunane aa.e
dil hi dil men hai pasheman dono
kaun ab kis ko manane aa.e
kuchh to milne ki ho surat paida
tark-e-ta.alluq ke bahane aa.e
ik tamanna hai ki ab main ruThun
aur vo mujh ko manane aa.e
meri nindon men vo shamil ho kar
mujh ko mujh se hi churane aa.e
phir faza us ke badan si mahki
phir baharon ke zamane aa.e
Leave a Reply