Sheen Kaaf Nizam
aarzu thi ek din tujh se milun
mil gaya to sochta huun kya karun
jism tu bhi aur main bhi jism huun
kis tarah phir tera pairahan banun
rasta koi kahin milta nahin
jism men janmon se apne qaid huun
thi ghuTan pahle bhi par aisi na thi
ji men aata hai ki khiḌki khol duun
ḳhud-kushi ke sainkaḌon andaz hain
aarzu hi ka na daman thaam luun
sa.aten san.at-gari karne lagin
har taraf hai yaad ka gahra fusun
Leave a Reply