Aap Uske Hain Yahi Usko Bata Kar Dekhiye

aap us ke haiñ yahī us ko batā kar dekhiye

vo yaqīnan maan jā.egī manā kar dekhiye

aap kyā jāneñ sharāboñ kā nasha kyā hotā hai

ek din merī tarah se Dagmagā kar dekhiye

merī ye vīrān āñkheñ kah rahī haiñ dosto

saare sapne TūTte haiñ aazmā kar dekhiye

mere ghar meñ aap kī bas aap kī tasvīreñ haiñ

aap ko jab vaqt ho to ghar meñ aa kar dekhiye

sirf itnī der kī hai zindagī ai dosto

sirf itnī der ko chuTkī bajā kar dekhiye

jaane kitne be-qusūroñ ko sazā.eñ mil rahīñ

jhuuT lagtā hai tumheñ to jail jā kar dekhiye

Leave a Comment