abdul-hamid-adam

Aap Ki Aankh Agar Aaj Gulabi Hogi

aap ki aankh agar aaj gulabi hogi

meri sarkar badi sakht kharabi hogi

mohtasib ne hi padha hoga maqala pahle

miri taqrir ba-har-hal javabi hogi

aankh uthane se bhi pahle hi vo honge ghaeb

kya khabar thi ki unhen itni shitabi hogi

har mohabbat ko samajhta hai vo novel ka varaq

us pari-zad ki taalim kitabi hogi

shaikh-ji ham to jahannam ke parinde thahre

aap ke paas to firdaus ki chabi hogi

kar diya muusa ko jis chiiz ne behosh ‘adam’

be-naqabi nahin vo nim-hijabi hogi

More Poems

Leave a Comment