Poet
aap ke saath ho liye sahab
boliye kuchh to boliye sahab
ek ghanTe ke saaTh minton men
sainkaḌon baar ro liye sahab
log to log the magar ye kya
aap bhi saath ho liye sahab
ḳhamushi kaan kha ga.i hai mire
ras sama.at men gholiye sahab
band-e-gham se mujhe riha.i mile
apni banhon ko kholiye sahab
ham ne anchal pe hijr kaaḌh liya
aur aansu piro liye sahab
astin men raha nahin kuchh bhi
pal chuke hain sanpoliye sahab
aap ka dil hamara maskan hai
dhaḌkanon ko TaToliye sahab
mat aTakiye miyan-e-goya.i
har qadam par na Doliye sahab
Leave a Reply