Asif Jamal
aankh be-ḳhvab hui hai kaisi
ye hava ab ke chali hai kaisi
tu miri yaad men rota to nahin
ye havaon men nami hai kaisi
saaya hai aur kashida kitna
dhuup hai aur kaḌi hai kaisi
kaisa soya hai muqaddar apna
aur zamin ghuum rahi hai kaisi
rasm-e-duniya hai jise jaana hai
ham pe uftad paḌi hai kaisi
gung hain zinda-dilan-e-lahore
rasm-e-pursish bhi uThi hai kaisi
Leave a Reply