Poet
aap ke ishq men ham se to zamana chhuTa
tum se afsos na ik ghair ka milna chhuTa
be-hijabana the baiThe hue aghyar ke paas
dekhte hi mujhe dalan ka parda chhuTa
rind to rind aji zahid-o-va.iz se bhi to
dekhte hi use tasbih-o-musallla chhuTa
havas-e-dil men ḳhuda jaane ki kya lazzat hai
ki jo lab se na kabhi harf-e-tamanna chhuTa
tank-jhank aap ki vaisi hi buḌhape men bhi hai
‘aish’ buḌhe bhi hue par vo na lapka chhuTa
Leave a Reply