Aap Aae To Khayal-E-dil-E-Nashad Aaya

aap aae to khayal-e-dil-e-nashad aaya

kitne bhule hue zakhmon ka pata yaad aaya

aap ke lab pe kabhi apna bhi naam aaya tha

shokh nazron se mohabbat ka salam aaya tha

umr bhar saath nibhane ka payam aaya tha

aap ko dekh ke vo ahd-e-vafa yaad aaya

ruuh men jal uthe bujhti hui yadon ke diye

kaise divane the ham aap ko paane ke liye

yuun to kuchh kam nahin jo aap ne ehsan kiye

par jo mange se na paaya vo sila yaad aaya

aaj vo baat nahin phir bhi koi baat nahin

mere hisse men ye halki si mulaqat to hai

ghair ka ho ke bhi ye husn mire saath to hai

haae kis vaqt mujhe kab ka gila yaad aaya