Poet
aao ki koi ḳhvab karen un ke havale
dekhe hi nahin jin ne kabhi din men ujale
pagal sa hua jaata hai ḳhamosh samundar
paani pe baras jaate hain jab chand ke haale
ham sa bhi gunahgar koi ho to batao
patthar pe khila.e hain bahut ḳhuun se laale
manzar koi hansta hua ankhon men chhupa luun
hai kaun jo ik pal ke liye maut ko Taale
phulon se Dhake raste hamvar bahut hain
azar musafir hain magar paanv ke chhale
Leave a Reply