ansuon men zara si hansi ghol kar
zahr us ne diya zindagi ghol kar
us ke chehre pe likhna hai koi ghazal
raushna.i men kuchh chandni ghol kar
ek kar-e-ziyan ke siva kuchh nahin
dekh li shor men ḳhamushi ghol kar
daur-e-hazir ke sachche ghazal-kar ham
ek lamhe men laa.e sadi ghol kar
ek aḳhbar bhi aaj aisa nahin
de ḳhabar sub.h ki raushni ghol kar
dhuup ki teziyan kuchh to maddham paḌin
dekhiye mausamon ki nami ghol kar
narm lafzon men ho zikr-e-begangi
baat kaḌvi kaho chashni ghol kar
Leave a Reply