Asif Ud Daula
ankhon se apni ‘asif’ tu ehtiraz karna
ye khu buri hai in ka ifsha-e-raz karna
jaate to ho piyare ukta ke mujh kane se
par vaste khuda ke phir sarfaraz karna
do-char din men zalim hovegi khat ki shiddat
ye husn aarzi hai is par na naaz karna
phirte ho tum har ik ja ham bhi to ashna hain
yaan bhi karam kabhi ai banda-navaz karna
dil to bahut liye hain tum ne har ek ja se
is mere dil ka sahab kuchh imtiyaz karna
Leave a Reply