Poet
ankhon men to aansu ko sukun tak nahin milta
daman pe jab aata hai to hota hai ravan aur
ai quvvat-e-parvaz zara aur sahara
sunte hain sitaron men hain abad jahan aur
gahra ho agar sajda to khinch aate hain jalve
peshani-e-alam pe ubharta hai nishan aur
taqsim agar hota hai sho.alon men nasheman
jalte hue tinkon se lipaTta hai dhuan aur
ho rang pe mahfil to badalti hain faza.en
ai ‘fazl’ sanvar jaata hai andaz-e-bayan aur
Leave a Reply