ankhon men raat ḳhvab ka ḳhanjar utar gaya
ya.ani sahar se pahle charagh-e-sahar gaya
is fikr hi men apni to guzri tamam umr
main us ko tha pasand to kyuun chhoḌ kar gaya
aansu mire to mere hi daman men aa.e the
akash kaise itne sitaron se bhar gaya
koi dua kabhi to hamari qubul kar
varna kahenge log dua se asar gaya
nikli hai faal ab ke ajab mere naam ki
suraj hi vo nahin hai jo Dhalne se Dar gaya
pichhle baras haveli hamari khanDar hui
barsa jo ab ke abr to samjho khanDar gaya
main puchhta huun tujh ko zarurat thi kya ‘nizam’
tu kyuun charagh le ke andhere ke ghar gaya
Leave a Reply