ankhon men mauj mauj koi sochne laga
paani men be-sabat nagar Dubne laga
ik shaḳh-e-rang haat se mausam ke chhuT ga.i
ḳhali badan ragon men koi loTne laga
hai apne darmiyan koi fasl-e-narava
dahliz pe khaḌa men kise sochne laga
vo rauzan-e-ḳhayal, sada, sa.egi saman
phir harf zahr zahr zaban gholne laga
main ek barg-e-ḳhushk kabhi ka asir-e-gard
phir kaun Daal Daal mujhe Tankne laga
main bolta raha to kisi ne nahin suna
main chup hua to saara nagar gunjne laga
Leave a Reply