Khushboo Saxena
ankhon men ibarat hai aur dil men kahani hai
aa jaa.e agar vo to us ko hi sunani hai
ye jitne manazir hain bina.i se bahar hain
ankhon men abhi koi tasvir purani hai
us chand ka paani men bas aks utarna hai
ik chand hai ankhon men aur jhiil men paani hai
ehsan uThana hai yadon ke ujalon ka
suraj hai samundar men aur raat bitani hai
kuchh kaam nahin tum ko kuchh kaam nahin ham ko
baiThe raho bas yunhi tasvir banani hai
Leave a Reply