Sarfraz Arish
ankhen zamin aur falak dastkar hain
paani ke jitne ruup hain sab musta.ar hain
ḳhud ko akela jaan ke tanha na janna
ye aa.ine nahin hain tire pahre-dar hain
mushkil ki is ghaḌi men karun kis se mashvara
kuchh dost hain to vo bhi fasana-nigar hain
ye chhanv jaisi dhuup hamara mizaj hai
ham log aftab hain aur saya-dar hain
‘arish’ jo mere sar pe nahin ho sake savar
vo saare log meri kamar par savar hain
Leave a Reply