Majid Ul Baqri
andhe moḌ ko jo bhi kaaTe ahista guzre
cyclen Takra jaati hain akasr motor se
andhiyare men hanste rote kaale giit sune
jo suraj ke aage aa.e vo aḳhir chamke
din ke varaq par insan kya the aḌe-tirchhe lafz
raat hui to dekh raha huun kaghaz par nuqte
main bikhre lamhe ka moti sadiyon se marbut
mere jism se ho kar guzre barson ke dhage
‘majid’ ki do ghazlen bhi bhari hain do sau par
saari ghazlon ko ab koi chhape na chhape
Leave a Reply