aalam se fuzun tera aalam nazar aata hai
har husn muqabil men kuchh kam nazar aata hai
chamka hai muqaddar kya is tira-nasibi ka
suraj bhi shab-e-gham ka parcham nazar aata hai
hai teri tamanna ka bas ek bharam qaa.em
ab varna mire dil men kya dam nazar aata hai
tanha nahin rah paata sahra men bhi divana
jab ḳhaak uḌata hai aalam nazar aata hai
ai ‘zeb’ mujhe teri taḳh.il ki maujon men
hushyari o masti ka sangam nazar aata hai
Leave a Reply