Wali Aasi
aaj tak jo bhi hua us ko bhula dena hai
aaj se tai hai ki dushman ko dua dena hai
aa mire yaar phir ik baar gale se lag ja
phir kabhi dekhenge kya lena hai kya dena hai
aaj tak ham ne bahut zulm kiye hain ḳhud par
ahd karte hain ki ab ḳhud ko saza dena hai
jism par jaan ka jo qarz chala aata hai
ab ke fasl aa.i to vo qarz chuka dena hai
ab andhere to bahut sar pe chaḌhe aate hain
ab charaghon men lahu apna jala dena hai
Leave a Reply