aj-kal ke shabab dekhe hain
saare ḳhana-ḳharab dekhe hain
phuul jaise husain chehre bhi
haa.e sahte azaab dekhe hain
ishq ki raah men vo luTte hue
ham ne lakhon janab dekhe hain
hai ye ulfat bhi kya bala sahab
is men jhukte navab dekhe hain
ek ik pal ko yaad rakhte the
vo tumhare hisab dekhe hain
tum haTa do ye apne chehre se
ham ne kaafi naqab dekhe hain
pahle mohsin the phir bane zalim
log aise itaab dekhe hain
jis pe mahtab tum rahe marte
ab vo hote sarab dekhe hain
Leave a Reply