Meer Taqi Meer
aj-kal be-qarar hain ham bhi
baith ja chalne haar hain ham bhi
aan men kuchh hain aan men kuchh hain
tohfa-e-rozgar hain ham bhi
mana girya na kar to ai naseh
is men be-ikhtiyar hain ham bhi
darpai jaan hai qaraval marg
kaso ke to shikar hain ham bhi
naale kariyo samajh ke ai bulbul
baagh men yak kanar hain ham bhi
muddai ko sharab ham ko zahar
aqibat dost-dar hain ham bhi
muztarib girya naak hai ye gul
barq abr-e-bahar hain ham bhi
gar za-khud rafta hain tire nazdik
apne to yadgar hain ham bhi
‘mir’ naam ik javan suna hoga
usi ashiq ke yaar hain ham bhi
Leave a Reply