Poet
aaj gulshan men kis ka partav hai
har kali gul ki shama ki lau hai
khizr har-chand pahunche ab-e-hayat
zindagi jaise paani ki rau hai
piise hai us ko asiya-e-falak
jis ke paas ek musht bhi jau hai
ghair se lena imtihan-e-vafa
ye jafa mujh par az-sar-e-nau hai
hai kidhar vo ghazal jis ke liye
raat din mujh ko ye tag-o-dau hai
hai ye ‘joshish’ vafa-sarishton men
tu jo kahta hai bevafa tu hai
Leave a Reply