Aaj Dil Be-Qarar Hai Kya Hai

aaj dil be-qarar hai kya hai

dard hai intizar hai kya hai

jis se jalta hai dil jigar vo aah

shoala hai ya sharar hai kya hai

ye jo khatke hai dil men kanta sa

mizha hai nok-e-khar hai kya hai

chashm-e-bad-dur teri ankhon men

nashsha hai ya khumar hai kya hai

mere hi naam se khuda jaane

nang hai us ko aar hai kya hai

jis ne maara hai daam dil pe mire

khat hai ya zulf-e-yar hai kya hai

kyuun gareban tera aaj ‘hasan’

is tarah tar-tar hai kya hai

Leave a Comment