aaj bhi tishna-labi tishna-labi hai ai dost
kya na chhalkegi jo ankhon men bhari hai ai dost
jo kami pahle thi vo phir bhi kami hai ai dost
ye jo thoḌi si hansi zer-e-labi hai ai dost
aap ko dekh mire zauq-e-fana ko bhi dekh
ye tiri shishagari dard-sari hai ai dost
mai-e-gulfam men kuchh durd-e-tah-e-jam sahi
vo ḳhushi kaisi ḳhushi jis men kami hai ai dost
ḳhaak men rang-e-gulistan ko bhala dekh sakun
miri ankhon men agar itni nami hai ai dost
tab-e-parvaz thi jin ko vo ga.e bhi ‘mas.u’
ham kahan jaa.en ki be-bal-o-pari hai ai dost
Leave a Reply