aa.iye asman ki or chalen
saath le kar zamin ka shor chalen
chand ulfat ka isti.ara hai
jis ki janib sabhi chakor chalen
yuun dabe paanv aa.i teri yaad
jaise chupke se shab men chor chalen
dil ki duniya ajiib duniya hai
aql ke us pe kuchh na zor chalen
sabz-rut chha.i yuun un ankhon ki
jis tarah naach naach mor chalen
tum bhi yuun mujh ko aa ke le jaao
jaise le kar patangen Dor chalen
Leave a Reply