aina khud-numai un ko sikha raha hai
kya qahr kar raha hai kya zulm dha raha hai
aansu baha raha hai vo soz-e-dil pe mere
khud hi laga ke zalim khud hi bujha raha hai
un ko to ham ne chaha vo yuun sata rahe hain
ai charkh-e-kina-parvar to kyuun sata raha hai
azurda ghair se hain leta huun main balaen
ruthe hain vo kisi se koi mana raha hai
kuche men un buton ne rahne diya na shayad
sunte hain ab ‘rasa’ bhi kaabe ko ja raha hai
Leave a Reply