Poet
aina-e-dil men kuchh agar hai
tera hi jamal jalva-gar hai
ham mar gae teri justuju men
be-rahm kahan hai tu kidhar hai
rahbar nahin chahti rah-e-ishq
vaan shauq hi apna rahbar hai
kyuun maare hai laaf hajj-e-akbar
apne kiye par bhi kuchh nazar hai
kaabe si jagah pahunch phir aaya
tu haaji nahin hai giidi khar hai
us dar hi ki aarzu men ‘joshish’
ye musht-e-ghubar dar-ba-dar hai
Leave a Reply