Afzal Gauhar Rao
aai thi us taraf jo hava kaun le gaya
khali pada hai taaq diya kaun le gaya
is shahr men to koi sulaiman bhi nahin
main kya bataun takht-e-saba kaun le gaya
dushman aqab men aa bhi gaya aur abhi talak
tum ko khabar nahin hai asa kaun le gaya
apne badan se lipta hua aadmi tha main
mujh se chhuda ke mujh ko bata kaun le gaya
‘gauhar’ ye majra to parindon se puchhna
pedon ko kya pata hai hava kaun le gaya
Leave a Reply