aahon se mire ghar men hava garm rahegi
main jaunga to bhi miri ja garm rahegi
bharte hi rahenge nafas-e-sard hazaron
jab tak ki tari an-o-ada garm rahegi
jalna mire tab dil ka lagega ye thikane
sohbat tari jab mujh se sada garm rahegi
choti men dil-sokhta ko gundh ke pyare
mat phek qifa par ki qifa garm rahegi
bulbul na mujhe dijiyo to naale ki taklif
varna asar is ke se saba garm rahegi
jab tak nahin to dukhtar-e-raz hi ko rakhunga
kuchh to ye baghal meri bhala garm rahegi
ushshaq ko targhib-e-mohabbat hi karega
jab tak hai ‘hasan’ bazm-e-vafa garm rahegi
Leave a Reply