aage kya tum sa jahan men koi mahbub na tha
kya tumhin ḳhuub bane aur koi ḳhuub na tha
in dinon ham se jo vahshi ki tarah bhaḌko ho
ye to milne ka tumhare kabhu uslub na tha
nama-bar dil ki tasalli ke liye bhejun huun
varna ahval mira qabil-e-maktub na tha
taqat ab taaq hui sabr-o-shakeba.i ki
kab talak sabr kare dil mira ayyub na tha
ghalba-e-ishq ne ‘hatim’ ko pachhaḌa aḳhir
zor men apne vo itna bhi to maghlub na tha
Leave a Reply