Aag Pani Bhi Hai Mitti Hai Hawa Hai Mujh Mein

aag paani bhi hai mitti hai hava hai mujh men

mere khaliq ka koi raaz chhupa hai mujh men

ho na jaae tah-o-bala kahin duniya saari

ek tufan-e-bala-khez bapa hai mujh men

rok leti huun qadam khud hi ghalat rahon se

aisa lagta hai koi mujh se bada hai mujh men

ek muddat se vo khamosh hai ‘sima’ lekin

ek muddat se vahi chikh raha hai mujh men

Leave a Comment