aag hi aag hai gulshan ye koi kya jaane
kis ne phunka hai nasheman ye koi kya jaane
na kahin sozan-o-rishta na kahin baḳhiya-gari
sar-ba-sar chaak hai daman ye koi kya jaane
dekhte phirte hain log a.ine sayyaron ke
dil ka gosha bhi hai darpan ye koi kya jaane
husn har haal men hai husn paraganda naqab
koi parda hai na chilman ye koi kya jaane
‘arsh’ uncha tha sar-e-fan kabhi ya faḳhr o ghurur
ab tah-e-tegh hai gardan ye koi kya jaane
Leave a Reply