ai aftab ruh-o-ravan-e-jahan hai tu
shiraza-band daftar-e-kaun-o-makan hai tu
baais hai tu vajud-o-adam ki numud ka
hai sabz tere dam se chaman hast-o-bud ka
qaaem ye unsuron ka tamasha tujhi se hai
har shai men zindagi ka taqaza tujhi se hai
har shai ko teri jalva-gari se sabat hai
tera ye soz-o-saz sarapa hayat hai
vo aftab jis se zamane men nuur hai
dil hai khirad hai ruh-e-ravan hai shuur hai
a aftab ham ko ziya-e-shuur de
chashm-e-khirad ko apni tajalli se nuur de
hai mahfil-e-vajud ka saman-taraz to
yazdan-e-sakinan-e-nasheb-o-faraz tu
tera kamal-e-hasti har jan-dar men
teri numud silsila-e-kohsar men
har chiiz ki hayat ka parvardigar tu
zaidgan-e-nur ka hai tajdar tu
nai ibtida koi na koi intiha tiri
azad qaid-e-avval-o-akhir ziya tiri
Leave a Reply