Aa Meri Chashm-E-Pur-KHumar Mein Aa

aa mirī chashm-e-pur-ḳhumār meñ aa

aa mire sīna-e-figār meñ aa

aa ki tere baġhair kaif nahīñ

merī ġham āfrīñ bahār meñ aa

dil ko tere sadā qarār nahīñ

aa is ujḌe hue dayār meñ aa

ruuh ko tāb-e-intizār nahīñ

mere tarse hue kanār meñ aa

dīda-e-tar pukārte haiñ tujhe

aa kabhī bazm-e-sogvār meñ aa

aaj ‘maz.har’ tujhe pukārtā hai

aaj aa sahn-e-lāla-zār meñ aa

Leave a Comment