Poet
ho na kuchh aur is aghaz ka anjam kahin
saqiya lab se laga de tu lab-e-jam kahin
vo dil-aram jo pahlu men nahin hai apne
dil-e-betab ko aata nahin aram kahin
sadma-ha-e-shab-e-hijran se gira jaata huun
ai tamanna-e-shab-e-vasl mujhe thaam kahin
shaam se hoti hain dil par jo bala.en nazil
khol baiThe na huun vo zulf-e-siyah-fam kahin
le to luun bosa-e-ruḳh us ka ye Dar hai ‘tanvir’
ho na jaa.e vo ḳhafa shoḳh-e-gul-andaz kahin
Leave a Reply