amir-e-aql se ‘shahzad’ baghavat kar len
aao us shaḳhs se iqrar-e-mohabbat kar len
kal na-jane ki kise vaqt kahan le jaa.e
aaj pal-bhar hi sahi ḳhvab haqiqat kar len
us ko tohmat se bachana hai har ik qismat par
hanste rahna hi chalo aaj se aadat kar len
kaun manzil ke liye lutf-e-safar ko kho.e
chalte rahne se hi tajdid-e-rifaqat kar len
ham ne sab diip bujha Daale hain imshab taaki
saath jo chal na saken tark-e-mohabbat kar len
Leave a Reply