aalam ranj-o-alam hai ḳhair ho
ya ḳhuda kaisa sitam hai ḳhair ho
ashk tere jhuTe hain lekin mujhe
e’tibar-e-chashm-e-nam hai ḳhair ho
dekh kar tujh ko kaha mahtab ne
kya ada kya pech-o-ḳham hai ḳhair ho
mil gaya mujh ko pata manzil ka par
raste men bait-us-sanam hai ḳhair ho
us ke honTon ko chhua to yuun laga
chashni-e-zahr-e-gham hai ḳhair ho
main huun ḳhasta-hal faisal kya karun
mera dushman taza-dam hai ḳhair ho
Leave a Reply