Faisal Imtiyaz Khan
kahan le aa.e mujh ko main kahan tha
kisi muflis ka shayad ashiyan tha
nahin pahchan paaya ahl-e-dil ko
mubassir ki nazar men kuchh dhuan tha
nishan ulfat ka vahid taaj hi hai
guzishta daur men ik shah-jahan tha
tira ashiq tira balam tha ghayal
tiri ankhon men hi tir-o-kaman tha
sanam-ḳhanon men jalve ishq ke the
buton ko tere aane ka guman tha
Leave a Reply