Poet
rahe hamare liye shaghl yaan koi na koi
daya kare hamen gham asman koi na koi
ab is men hazrat-e-zahid hon ya barahman ho
buton ki chumta hai astan koi na koi
kabhi uThate hain dil par kabhi jigar par daagh
khula hi rakhte hain ham bostan koi na koi
bura samajh mire a.amal ko na ai vaa.iz
hai is mata.a ka bhi qadr-dan koi na koi
jo Dagmaga.e lahad par miri to farmaya
zarur dafn hai betab yaan koi na koi
ab is men ho dil-e-betab ya ho dida-e-tar
karega raz-e-mohabbat ayaan koi na koi
kabhi hai Tiis jigar men kabhi hai dil men dard
shab-e-firaq hai azar-e-jan koi na koi
hamari aata sharar-bar ho ki nala-e-gar
jala.ega tujhe o asman koi na koi
vo ḳhud hi a.enge ab ya mujhe bula.enge
asar dikha.egi ah-o-fughan koi na koi
‘fahim’ vasl ka arman ho ya ki hijr ka gham
hamare dil men raha mehman koi na koi
Leave a Reply