Poet
dusron ki aankh le kar bhi pashemani hui
ab bhi ye duniya hamen lagti hai pahchani hui
ashk ki be-rang kheti muddaton men lahlaha.i
pahle kitna qaht tha ab kuchh faravani hui
ḳhud ko ham pahchan paa.e ye bahut achchha hua
jism ke haijan men ruhon ki uryani hui
main to ik ḳhushbu ka jhonka tere daman ka hi tha
bu-e-gul se aa mila kyuun tujh ko hairani hui
us ka bazar-e-havas men qadar-dan hi kaun tha
jins-e-dil ki phir yahan kyuun itni arzani hui
Leave a Reply