Poet
us ne dekha tha ajab ek tamasha mujh men
main jo roya to koi hansta raha tha mujh men
meri ankhon se ḳhabar jaan na li ho us ne
koi badal tha bahut TuuT ke barsa mujh men
jhankne se miri ankhon men sabhi Darne lage
jab se utra hai koi a.ina-ḳhana mujh men
kya hua tha mujhe kyuun sochta tha us ke ḳhilaf
varna us ko tha ajab ek aqida mujh men
saath saath us ke main ḳhud rota raha tha us shaam magar
us ko deta jo dilasa vo nahin tha mujh men
Leave a Reply