Ejaz Gul
kise ḳhayal tha aisi bhi sa.aten hongi
ki mere naam se bhi tujh ko vahshaten hongi
saza-e-marg ki surat visal guzra tha
bichhaḌ ga.e hain to kya kya qayamaten hongi
juda.iyon men zamane ne kya suluk kiya
kabhi dobara mile to hikayaten hongi
ḳhusha ki apni vafa faslon ki nazr hui
hamare ba.ad zamin par rifaqaten hongi
ujaḌ gaya huun magar hausle salamat hain
ki ek din tujhe shayad nadamaten hongi
Leave a Reply