phulon se hogi dhuul juda dekhte raho
manzar nikhar degi hava dekhte raho
la.egi rang laghzish-e-pa dekhte raho
manzil bhi degi apna pata dekhte raho
haan bazm men kisi ke gareban-e-gosh tak
pahunchega mera dast-e-sada dekhte raho
nindon men kho ke sipiyan ḳhvabon ki dosto
chunne ko hai ye dida-e-va dekhte raho
kab aftab-e-taza ki pahli shua se
hoti hai chaak shab ki rida dekhte raho
us kaj-ada ki samt ba-in jaur-e-mustaqil
‘asif’ ba-tarz-e-ahl-e-vafa dekhte raho
Leave a Reply