Poet
darpan diya huun dil ka main us dilruba ke haath
darpan men vo piya hai vo darpan piya ke haath
us qibla-ru ki dekh ke mehrab-e-abr vaan
saf bandh khul rahe hain mizha jiyun dua ke haath
har vaqt be-hijab ho kyunkar kare nigah
hai iḳhtiyar chashm-e-piya ka haya ke haath
kis rang suun lage hai kaf-e-pa kuun shoḳh ki
dil ḳhuun ho raha hai hamara hina ke haath
gulgun qaba na maar taghaful ki tegh suun
hai qatl ashiqan ka tiri yak ada ke haath
barja hai barg-e-gul suun kafan us kuun hue nasib
jo kui hua shahid vo gul-gun qaba ke haath
hai chaak chaak ghuncha-e-dil aaj aah suun
jyuun chak-e-pairahan kuun kiya gul saba ke haath
kahte hain ashiqan yu mira haal dekh kar
shayad tuun dil diya hai kisi bevafa ke haath
darkar niin hai mujh kuun kabutar ki qasidi
bheja huun gul-badan kuun main naama saba ke haath
Leave a Reply