yuun bhi mera bayan alag hai kuchh
kyunki meri zaban alag hai kuchh
aḳhiri baar jal raha huun kya
ab ke mera dhuan alag hai kuchh
sirf shaklen hi hain alag varna
tujhmen mujh men kahan alag hai kuchh
ja ki tujh ko muaaf karte hain
ranj-e-duniya yahan alag hai kuchh
kholni hai zaban qalam ki aaj
dil men uThti fughan alag hai kuchh
ham hain munkir to kyuun karen sajda
kya tira astan alag hai kuchh
Leave a Reply